Charter Document - 01510274
| Charter Number: | 01510274 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 - 1166 |
| Date type: | Assigned |
| Resource Link(s): |
|
Charter:
R dei gratia Lincolniensis episcopus omnibus sancte matris ecclesie filiis salutem Cum ad nostram pertineat solicitudinem omnium nobis subditorum iura intemerata conservare quantum possumus ea precipue nostre protectionis munimen desiderant que divino sunt famulatui mancipata Unde caritatem Henrici filii Radulfi de Timb ex carta ipsius cognoscentes mansuram unam de feodo suo in Timb que fuit Swayn bercarii et tres percatas terre que ut carta ipsius testatur dedit deo et ecclesie sancti Andree de Timberlund in perpetuam elemosinam iamdicte ecclesie inconcusse conservari cupientes donationem prefati Henrici auctoritate episcopali confirmamus carta nostra et sigilli nostri dependentis attestatione communimus Testibus []