Charter Document - 01510268
| Charter Number: | 01510268 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1148 - 1166 |
| Date type: | Assigned |
| Resource Link(s): |
Cambridge University Library - MS Add 3021 (f410r) |
Charter:
Robertus dei gratia Lincolniensis episcopus omnibus clericis de Huntendonsyra et de Norhamtonsyra tam presentibus quam futuris salutem Sciatis quod Gaufridus de sancto Medardo dimisit calumpniam quam habebat erga abbatem de Turneia de capella de Walmesford et de hoc quod ipse et antecessores sui asserebant quod homines qui manent in australi parte pontis de Walmesford deberent venire ut parochiani ad ecclesiam que est ex boreali parte eiusdem pontis tam viventes quam corpora defunctorum Hanc autem calumpniam ipse in presentia mea dimisit Valete