Charter Document - 01510264
| Charter Number: | 01510264 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1151 - 1166 |
| Date type: | Assigned |
| Resource Link(s): |
|
Charter:
Robertus dei gracia Lincolniensis episcopus omnibus sancte matris ecclesie filiis salutem Ex iniuncta nobis diuinitus sollicitudine obstricti tenemur deuotas fidelium liberalitates domibus presertim religionis collatas ad perpetuam in posterum memoriam corroborare Inde est quod uestre uniuersitati harum inspeccione innotescimus nos ratam habere donationem Roberti Cheuauchesul quam fecit assensu matris sue Mabilie et Rogeri fratris sui et omnium sororum suarum deo et Euerardo abbati monasterii sancte Marie de Thama et successoribus eius monachisque ibidem in perpetuum deo famulantibus prout eam in liberam elemosinam et quietam in manu nostra posuit et iuramento confirmauit post denuo litem suscitatam et sub nostra presentia et multorum honestorum uirorum amicabili compositione nostra interueniente auctoritate sopitam scilicet hidam unam de Tetteswrd continentem centum acras in Horsend lv in Langefurlang xxii in Scipfurlang xxiii Et hec quoque continua et coniuncta in termino terre sue orientali eo quod ill[is] uicinior est apposita Hoc eius pietatis donum nos amplectentes ipsum corroboramus et attestatione sigilli nostri inperpetuum communimus Testibus Testibus Alvredus abbate de Dorcacestria Roberto archidiacono Oxon Baldewino Cada Roberto de Burneham Rogero de Kerent Umfrido clerico Willelmo de Chesnei Willelmo Basset Ernaldo de Cardunvilla Umfrido pincerna et aliis