Charter Document - 01510200
| Charter Number: | 01510200 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 - 1155 |
| Date type: | Assigned |
| Resource Link(s): |
|
Charter:
R dei gratia Lyncolniensis episcopus omnibus universalis ecclesie fidelibus salutem Quanta vigilantia pastorum solicitudo religiosorum paci virorum et quieti debeat prospicere et eorum bona paterna diligentia tueri rationi fidelium constat esse perspicuum Eapropter donationem x libratarum terre quam Gilebertus de Gant in presentia Lyncolniensis capituli fecit de iure suo hereditario videlicet apud Scamton in liberam et perpetuam elemosinam et quietam ab omni calumpnia et reclamatione heredum suorum et omnium hominum monachis Norwiciensibus per manum domini W eiusdem ecclesie episcopi in recompensationem dampnorum que intulit eis apud Linnam sicut predicti Gilberti carta testatur eisdem monachis episcopali autoritate confirmamus et presentis sigilli munimine coroboramus salva dignitate Lyncolniensis ecclesie Valete