Charter Document - 01510081
| Charter Number: | 01510081 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 - 1151 |
| Date type: | Assigned |
| Resource Link(s): |
|
Charter:
Robertus dei gratia Lincolniensis episcopus universis catholice ecclesie filiis salutem Ut religiosa religiosorum devotio in opportunitatibus suis celerem optineat effectum dilecto filio nostro A abbati et fratribus suis in abbatia de Betelesden domino famulantibus quecumque inpresentiarum canonice possident sicut scripta advocatorum testantur confirmamus et sigilli nostri attestatione communimus Que propriis dignum duximus exprimenda vocabulis ex dono Ernaldi de Bosco villam de Betelesd et Marilont cum omnibus pertinenciis suis et salinam de Wich cum redditu salinarum quas idem eis contulit ex dono Thome de Witefeld terram de Witefeld cum suis pertinenciis ex donatione Emme de Insula terram de Witefeld que ad ius suum pertinere dinoscitur ex dono Willelmi et Roberti terram de Dodeford cum suis pertinenciis ex largitione Osberti de Wanc terram de Eswell cum suis pertinenciis ex dono Mathei de Rumel terram de Helmesd cum pertinenciis ex donatione Mathild de Hocton et Simonis filii eius terram quandam in Hocton et in Braifeld ex largitione Gervasii terram de Leire cum omnibus pertinenciis Volumus itaque ut quecumque iamdicti filii nostri in nostra dyocesi iustis modis optinuerunt vel in futuro optinere poterunt in perpetuam possideant et illibata elemosinam Valete