Charter Document - 01510078
| Charter Number: | 01510078 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Notification, Confirmation |
| Date: | 1151 - 1160 |
| Date type: | Assigned |
| Resource Link(s): |
|
Charter:
Robertus dei gratia Lincolniensis episcopus omnibus ecclesie dei fidelibus salutem et dilectionem Litem inter monachos de Bealveir et Gilebertum personam de Halton et Gaufridum de Normanvilla super ecclesia de Hornigewalt in presentia nostra hoc modo terminatam esse meminimus Veniens in presentiam nostram dictus Gilebertus una cum Gaufrido de Normanvilla omne ius advocationis predicte ecclesie manifeste quietum clamante eandem ecclesiam liberam et quietam ab omni subiectione Halton ecclesie in manu nostra refutavit et prefatis monachis absolutam restituit literas quoque compositionis in presentia domini Cantuariensis archiepiscopi et apostolice sedis legati super eadem ecclesia facte nobis reddidit et modis omnibus a causa illa recessit et se iniuste super eadem possessione monachos vexasse palam confessus est Hanc itaque ecclesiam de Hornigewald monasterio de Beaveair libere concedimus et episcopali auctoritate confirmamus salva in omnibus debita reverentia et subiectione matris Lincolniensis ecclesie Teste Hugone Legr archidiacono Rogero Lincolniensi precentore Radulfo Cadom