Charter Document - 01510019
| Charter Number: | 01510019 |
|---|---|
| Cartulary Title: | Lincoln 1067-1185 Volume 1 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1142 - 1148 |
| Date type: | Assigned |
| Resource Link(s): |
|
Charter:
A dei gratia Lincolniensis episcopus R archidiacono Lincolniensi et Hugoni decano de Graham salutem Deposita est in auribus nostris per monachos de Belveder querimonia quod Hugo clericus de Roppeleia ipsorum decimam de eadem villa quam tricennaria possessione non concussa tenuerunt temerario ausu pervaserit pervasamque detineat undeque ut scitis iuxta statuta canonum possessio tricennalis omnem penitus calumpniam in rebus ecclesiasticis excludit mandando vobis per obedientiam precipimus quatinus memoratum Hugonem canonico ordine conventum prefatam decimam et in blado et in sartis et in virgultis et in omnibus omnino rebus monachis iamdictis sub anathematis cominatione ex nostro nomine ad integrum restituere iubeatis Qui si hiis mandatis nostris non paruerit et in ipsum quasi in contumacem et in ecclesiam eius sententiam ecclesiasticam infra mensem omni occasione seu dilatione amputata promulgatis Valete