Charter Document - 01502267
| Charter Number: | 01502267 |
|---|---|
| Cartulary Title: | The Staffordshire Chartulary |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1194 |
| Date type: | Assigned |
| Resource Link(s): |
|
Charter:
Haec est conventio facta inter Herveium Bagot et Milisent uxorem ejus et Thomam de Erdington videlicet quod predicti Herveius et Milisent dederunt et concesserunt et carta sua confirmaverunt Thomae de Erdington totam terram suam de Acle cum omnibus ejusdem pertinentiis et homagiis et servitium Hervei de Acle sicuti carta eorum quam ipse inde habet testatur et heredibus suis tenendam de eis et eorum heredibus per servitium dimidii militis pro omni servitio Et hanc terram predicti Herveius et Milisent et eorum heredes warantizabunt predicto Thomae et ejus heredibus contra omnes homines Et pro hac donatione et cartae confirmatione predictus Thomas adquietabit predictum Herveium de debito quod debet Regi et Reginae ad Scaccarium de lxvii marcis et maritabit filiam suam annatam ad xxx libratas terrae ad custum suum praeter hoc quod ipse habebit auxilium militum totius Baroniae de Stafford quod ipsi dabunt filiae domini sui annatae Maritandae et de hoc auxilio reddet predictus Thomas predicto Herveio auxilium xx militum et residuum ei remanebit et si fortasse primogenita filia in fata secesserit antequam maritetur predictus Thomas maritabit secundam sub eadem conditione et ita de singulis donec unam maritaverit Et iterum predictus Herveius adquietabit unam virgatam terrae versus Herveium de Acle quam ei tradiderat et in curia Regis veniet et omnem securitatem quam de predicta terra ibi et facere poterit faciet et ambo Herveius et Thomas in conspectu J[] Norwicensis Episcopi comparebunt et omnes istorum conventiones confirmabunt Hiis testibus et si fortasse haec conventio effectum producta non fuerit terra de Acle predicta cum ejus pertinentiis quietam redeat ad predictum Herveium et ejus heredes de predicto Thoma et ejus heredibus Hiis testibus Hugone de Chaucumbe Ada de Aldithleg Willelmo Bagot Radulfo de Mutton Ivone de Mere Roberto filio Pagani Thoma de Halectone Willelmo filio RanulfiWillelmo Reginaldo et Hugone filiis ejus Ricardo filio Willelmi Philippo de Lutteleg Hugone Gargat Roberto de Tenerai Philippo de Draicote Radulfo Britone et multis aliis
Source (click image below to view full size)
