Charter Document - 01480143

Anno D[omini] millesimo CC nonagesimo sexto die Sancti Barnabe apostoli facta est concordia inter venerabiles viros dominum Johannem abbatem Novi Monasterii et ejusdem loci Conventum ex parte una et magistrum Jacobum de Ispania rectorem ecclesie de Routhbiry ex altera super controversia inter eosdem mota de quibusdam decimis garbarum et feni in territoriis grangiarum dictorum abbatis et conventus de Kestern et Werihill sub hac forma Abbas predictus pro se et ecclesia sua et magister Jacobus pro se et ecclesia sua hos arbitros unanimiter elegerunt videlicet dominum Thomam perpetuum vicarium de Horsely tunc magistrum monialium de Halistane Hugonem Galonum Thomam Scot de Wartone Adam filium Roulandi de Wartone et Walterum de Farniley qui predictam controversiam per arbitrum diffinirent Et ipsi sic ex consensu utriusque partis electi ad declarandum veritatem dictarum decimarum juramenta corporaliter prestiterunt et quia terras et prata de quibus erat contencio utrum essent decimabiles an non ad plenum non noverant alios viros fide dignos per quos rei veritas magis sciri potuit sibi associabant qui et ipsi ad verum dicendum super premissis tactis sacrosanctis juraverunt unde per inquisicionem diligenter factam concorditer arbitrati invenerunt quod terre subscripte de novo redacte sunt in culturam nec debent decimari in perpetuum videlicet in le Cotsflat in capite orientali tres acras terre et dimidiam rodamin cultura que vocatur le Wyndisid viij acras iij rodas terre et xj perticatas in le Neubrok apud Seuenewell vj acras et dimidiam rodam et iiij perticatas in Stokwelflatte xxiij acras in cultura que vocatur le Colles iij acras in Ywinhop j acram et dimidiam in le Seruonreflatte ex parte orientali vij acras in le Wytechestres in orientali parte de le Heywell vj acras iij rodas in Bukelaw ex parte boreali versus marciam de Flotwaitone vii acras in Kesternhepes in loco qui vocatur Thomasriding ii acras prati et ij acras et dimidiam terre arabilis scilicet in occidentali parte et in orientali parte ejusdem loci de Kesternhepes in loco qui vocatur Appeltrecrok vj acras et dimidiam prati relique terre dictarum grangiarum et prata omnia que ante diem presentis conposicionis redacte fuerunt in culturam decimari debent in perpetuum exceptis clausis bercarie de Werihill pertinentibus et omnibus curtilagiis dictarum grangiarum preter unam clausuram de Kestern que vocatur Paynescroft et preter fructus arborum curtilagii de Kestern de quibus rectores ecclesie de Roubiry solebant decimas percipere Ut autem ista declaracio rata permaneat in perpetuum present[i] cirograff[a] sigilla sua alternatim apposuerunt Et in testimonium hujus rei fideliter examinate sigilla dictarum quinque juratorum presenti sunt appensa Actum apud Kestern die et anno supradictis Presentibus testibus domino Waltero Vachel tunc senescallo domini Jacobi de Ispania fratre Johanne de Thornton cellerario Novi Monasterii fratre Johanne de Rothely bursario fratre Thoma de Thokeryngtone notario [] Ista declaracio decimarum de Kestern et Werthill testificata est et approbata per dominum Willelmum de Stanhope tunc officialem Northumbrie In testimonium cujus rei sigillum suum sigillo procuratoris ecclesie de Routhbiri jussit associari