Charter Document - 01471115
| Charter Number: | 01471115 |
|---|---|
| Cartulary Title: | Durham Annals and Documents of the Thirteenth Century |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1262 |
| Date type: | Internal, A.D., Calendar |
| Resource Link(s): |
Reference Document for this Embedded Document British Library - Stowe MS 930 (f21r) |
Charter:
Reverendo patri in Christo domino Gamelino dei gracia episcopo Sancti Andree deuoti sui Hugo prior et conuentus Dunelmensis ecclesie salutem et promptissimum cum omni deuocione et reuerencia famulatum Venerabili paternitati uestre per presentes litteras nostras patentes presentamus dilectum et fidelem clericum nostrum magistrum Patricium de Hertilpol ad uicariam ecclesie nostre de Berwyc videlicet ad decimam albi piscis prouenientem de batellis maris que quidem vicaria uacat per mortem magistri Iohannis de Barton quondam vicarii eiusdem ecclesie et spectat ad presentacionem nostram omni qua possumus deuocione celsitudinem uestram exorantes quatinus eundem magistrum Patricium ad dictam uicariam decimam uidelicet predictam ad presentacionem nostram benigne si placet admittere dignemini In cuius rei testimonium presenti scripto sigillum capituli nostri fecimus apponi Dat Dunelmi Non Martii anno gracie MCCLX secundo Valeat dilecta paternitas uestra in eternum in domino
Source (click image below to view full size)
