Charter Document - 01471048
| Charter Number: | 01471048 |
|---|---|
| Cartulary Title: | Durham Annals and Documents of the Thirteenth Century |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 - 1263 |
| Date type: | Assigned |
| Resource Link(s): |
Reference Document for this Embedded Document British Library - Stowe MS 930 (f23v) |
Charter:
Omnibus [] Hugo prior et conuentus Dunelmensis [] Attendentes Helyam de Innerwic pistorem in seruicio prioris et conuentus celle nostre de Coldingham per multum temporis stetisse et eisdem in officio suo diligenter ac fideliter ministrasse ne labor iuuentutis in maturiori etate sibi maneat infructuosus eidem ex assensu et uoluntate domini Rogeri prioris eiusdem celle concessimus et presenti scripto confirmauimus quod si aliquando contingat eum in aliquam incidere infirmitatem seu debilitatem per etatem uel alio modo quominus possit in officio suo in curia de Coldingham ministrare aut a seruicio predictorum prioris et conuentus absque manifesto et euidenti sui ipsius defectu et offensa ipsum contingat amoueri habeat in tota uita sua corredium suum per manum celerarii qui pro tempore fuerit de curia de Coldingham sibi liberandum videlicet qualibet die vnum panem monachi et vnam lagenam ceruise monachilis et vnum ferculum de coquina competens tribus videlicet diebus de carnibus reliquisque diebus de piscibus Et vt ista nostra concessio et confirmacio robur firmitatis optineat presenti scripto sigillum capituli nostri fecimus apponi
Source (click image below to view full size)
