Charter Document - 01470056
| Charter Number: | 01470056 |
|---|---|
| Cartulary Title: | Durham Annals and Documents of the Thirteenth Century |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1261 |
| Date type: | Assigned |
| Resource Link(s): |
British Library - Stowe MS 930 (f17v) |
Charter:
Reuerendo patri in Christo domino Ricardo dei gratia Lincolniensi episcopo uel eius officiali deuoti sui Hugo prior et conuentus Dunelmensis ecclesie salutem et promptum cum omni deuocione et reuerencia famulatum Quoniam dilectus in Christo dominus Willelmus de Eluet frater et com monachus noster quondam prior celle nostre domus videlicet Sancti Leonardi extra Stamfordiam graui detentus infirmitate dicte celle regimini comode ulterius preesse non poterit eundem eidem sponte cessisse per suas litteras patentes testificamur Quare dilectum in Christo dominum Galfridum de Castro confratrem nostrum et com monachum uirum prouidum et discretum loco ipsius ad dicte celle custodiam per litteras patentes sigillo capituli Dunelmensis signatas uobis presentamus omni qua possumus affeccione celsitudinem uestram exorantes quatinus eundem predictum Galfridum ad eandem cellam ad presentacionem nostram benigne admittere uelitis salua sancte religioni prout decet in omnibus ordinis disciplina Valeat [] Dat []
Source (click image below to view full size)
