Charter Document - 01470038

Excellentissimo principi domino Alexandro dei gracia regi Scottorum Hugo prior Dunelmensis salutem et quicquid potest honoris et obsequii Nouerit excellencia uestra nos constituisse et ordinasse dominos N[] et N[] atornatos seu procuratores nostros in omnibus placitis querelis necnon et negociis nos et domum nostram Dunelmensem qualitercunque contingentibus racione tenementorum et terrarum quas in regno Scocie ex collacione progenitorum vestrorum regum Scottorum et vestra possidemus dantes eisdem vel eorum alteri plenariam potestatem omnia predicta placita querelas et negocia nostra exsequendi et defendendi et omnia et singula faciendi que facere possemus si presentes esse possemus coram vobis vel eciam coram quibuscunque iusti[ci]ariis vicecomitibus seu eciam quibuscunque aliis balliuis vestris quibuscunque diebus et locis Et ideo vestre supplicamus celsitudini quatinus predictos N[] et N[] vel alterum ipsorum quem presentem esse contigerit loco nostri ad predictorum placitorum querelarum necnon et negociorum excecusionem vel defensionem admittere velitis Ratum enim habebimus et gratum quicquid predicti N[] et N[] vel alter eorum qui presens fuerit nomine nostro super premissis duxerint vel duxerit faciendum iusticia mediante In cuius rei testimonium has litteras nostras fieri fecimus patentes duraturas a festo Sancte Kateryne anno domini MCCLXIX usque ad duos annos proximo sequentes et plene inde completos Dat[] []