Charter Document - 01470021
| Charter Number: | 01470021 |
|---|---|
| Cartulary Title: | Durham Annals and Documents of the Thirteenth Century |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1261 |
| Date type: | Assigned |
| Resource Link(s): |
British Library - Stowe MS 930 (f16r) |
Charter:
Excellentissime domine Alienore dei gracia regine Anglie domine Ybernie ducisse Normannie comitisse Andegauie et Aquitannie deuotissimi filii Hugo prior et conuentus Dunelmensis ecclesie salutem et promptissimum cum debita deuocione et reuerencia ad beneplacita famulatum Audita morte domine Sancie imperatricis quondam Alemannie sororis uestre cuius anima pro sua sancta misericordia propicietur altissimus eidem domino animam eiusdem in campan[ar]um pulsacionibus et missarum celebracionibus [] debitis oracionum suffragiis solle[m]pniter commendauimus recipientes eam specialiter in omnibus beneficiis domus nostre animabus fidelium valituris que fient in ecclesia Dunelmensi imperpetuum Concedimus etiam anime eiusdem ob diuine caritatis intuitum et vestre celsitudinis reuerenciam maiorum suffragiorum specialitatem videlicet quod eius nomen in libro martirologii capituli nostri inter fratres nostros annuatim die aniuersarii sui recitandum fecimus anotari in memoria sempiterna habendum Quo die singulis annis habebit corredium suum in refectorio et singulas missas a singulis sacerdotibus et a ceteris inferioris ordinis psalteriorum suffragia Insuper exceptis communibus beneficiis et specialibus prescriptis trecentas missas ad maius altare pro eiusdem anima de singulorum sacerdotum communitate cum facultas se optulerit in ecclesia nostra decreuimus fore celebrandas Excellencia uestra in domino valeat et anima ipsius in pace requiescat Amen
Source (click image below to view full size)
