Charter Document - 01460009
| Charter Number: | 01460009 |
|---|---|
| Cartulary Title: | Cartularium Prioratus St. Johannis Evangelistae de Brecon |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1234 |
| Date type: | Internal, A.D., Feast |
| Resource Link(s): |
|
Charter:
Acta in capella sancti Johannis de Straddewy feria quarta post exaltationem Sancte Crucis anno M ducentesimo tricesimo quarto coram H[ugone] archidiacono et officiale Menevensi et coram L[] A[] officialibus et G[] Decano Brechonie scilicet quod cum Prior et Conventus Brechonie monerent Hugoni Whethelen rectori ecclesie Sancti Michaelis de Straddewy super decimis quibusdam quas dicti Monachi dicebant ab antiquis monasterio Sancti Johannis Brechonie datas esse et concessas postquam tractatum fuerat super hoc negocio coram R[ogero] Pichard tunc temporis domino ejusdem loci Et dictus R[] Willelmum Muthun constabularium suum cum quibusdam aliis transmisit ad Capitulum ut interessent et viderent quid in Capitulo super hoc negocio ageretur Tandem dictus rector comparuit et publice recognovit et concessit dictus Monachis duas partes omnium decimarum de tota terra de Kylvaynor duas etiam partes omnium decimarum de tota terra Bernardi Boghan scilicet a lapide stante juxta furcas tam subtus viam magnam quam supra viam magnam usque ad locum ubi erecta fuit crux Keinthlen secundum quod rivulus descendit a fonte subtus Boghlek versus villam de Straddewy usque ad locum qui supra ripam dicti rivuli opponitur dicto lapidi stanti duas etiam partes omnium decimarum de tota terra que dicitur Wlythfays que jacet inter montem qui dicitur Mayarch et flumen quod dicitur Uska Promisit etiam dictus Rector quod quicquid abstulerat de dictis decimis dictis monachis eodem anno statim restitueret et in hujus rei testimonium huic scripto apposita sunt sigilla predictorum judicum scilicet H[] Archidiaconi et officialis Menevensis et L[] A[] officialium et G[] Decani Brechonie hiis testibus R[] de Burchull[] et R[] de Brechonia clericis et R[] filio Rogeri et J[] Monacho de Brechonia et Milone rectore ecclesie de Garpregny et multis aliis
Source (click image below to view full size)
