Charter Document - 01459326
| Charter Number: | 01459326 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1223 |
| Date type: | Internal, Calendar, Episcopal |
| Resource Link(s): |
|
Charter:
Omnibus sanctae matris ecclesiae filiis ad quos presens scriptum pervenerit Ricardus divina permissione Sarum ecclesiae minister humilis salutem in Domino Noveritis Nos inspecta carta venerabilis predecessoris nostri Herberti quondam Sarum episcopi confirmasse capitulo beatae Mariae Constantiensis tres marcas annuas in ecclesia de Winterburn Stikelan sicut in carta predicta plenius continetur Nos etiam attendentes memorati capituli honestatem et libertatem ad multiplicem instantiam venerabilis fratris Hugonis Constantiensis episcopi necnon et dicti capituli ex donatione nostra quinque marcas annuas concessimus capitulo memorato Ita quod quicunque pro tempore ejusdem ecclesiae fuerit persona octo marcas annuatim dicto capitulo persolvet Salvis in omnibus jure auctoritate et dignitate Sarum ecclesiae et nostra et successorum nostrorum Et ut haec nostra confirmatio de tribus marcis a domino H Sarum episcopo praefato capitulo collatis et donatio nostra de quinque marcis in eadem ecclesia eidem de novo concessis perpetuae firmitatis robur optineant presens scriptum sigilli nostri munimine roboravimus Dat apud Novas Sarum per manum Johannis capellani nostri sexto idus Martii pontificatus nostri anno sexto Hiis testibus d[omi]no Ricardo de Mappodre Bartholom de Kemes Valentino canonicis Sarum Hugone Malet milite Thoma de Gosle Willielmo de Hortone Andrea camerario mag[ist]ro Rogero et multis aliis
Source (click image below to view full size)
