Charter Document - 01459004

Fredericus Dei gratia Romanorum imperator semper Augustus et rex Sicilie per presens scriptum notum facimus universis quod nos transibimus in subsidium Terre Sancte ab instanti Augusto presentis tertio decimo Indictionis ad duos annos et per biennium tenebimus ibi mille milites ad nostrum ita quod si aliquis de ipso numero statuto tempore deesse contigerit in quinquaginta marcis argenti per annum defectum militis redimemus Pecuniam autem de hujus redemptione collectam Nos si ibi fuerimus ad consilium vel testimonium regis et patriarche Jerosalem ac magistri domus Theutonicorum ac aliorum proborum hominum de terra ibidem ad servitium Jhesu Christi expendemus in usus eosdem vel alios ubi magis visum fuerit expedire Quod si aliquo casu nos acciderit tunc abesse memorata pecunia in predictorum regis et patriarche et magistri domus Sancte Marie Theutonicorum manibus deponetur per ipsos in Terre Sancte negotio expendenda Passagium dabimus si venerint in primo passagio vel in duobus sequentibus passagiis duobus millibus militum et famulis eorundem et pro milite tribus equis Ducemus nobiscum centum kalandras et tenebimus nobiscum quinquaginta galeas similiter per totum biennium si necesse fuerit bona fide armatas Quod si in aliquo tempore illius biennii non esset necesse illas teneri vel si forsitan non possent inveniri homines necessarii apparatui earundem estimabuntur fideliter sumptus illi qui in illis tenendis necessarii haberentur si tenerentur armate eo modo quo debuissent armari et tantundem in pecunia numerata persolvemus in ipsius terre negotio expendendum eo modo per omnia quo superius de quinquaginta marcis militum est expressum Preterea deponemus in manibus predictorum regis et patriarche ac magistri et fratrum domus Theutonicorum centum millia unciarum auri vel equivalentiam in argento hiis terminis persolvenda in instanti passagio Augusti hujus tertie decime indictionis xx millia sequenti passagio sequentis Augusti ejusdem quarta decime indictionis xx millia alia xl millia in duobus sequentibus passagiis Martii et Augusti anni secundi ita quod partis memorate pecunie persolute per terminos antedictos ultra mare in singulis passagiis deportentur Si vero in aliquo termino plus solverimus quam superius sit expressum dum minus sol vere tenebimur passagio subsequenti Quando autem nos in fine biennii ad passagium assignatum transfretare continget reddentur nobis dicta centum millia unciarum ad expendendum in servitio Dei et Terre Sancte Et si nos quod Deus avertat in terra illa vel citra ante passagium memoratum ob ire contigerit vel alias quacunque de causa forsitan non transierimus rex et patriarcha et magister domus Theutonicorum predicti ad laudem et consilium magistri Hospitalis et Templi ac proborum hominum de terra expendent eandem pecuniam bona fide sicut melius viderint expedire utilitati Terre Sancte in servitio Jhesu Christi et terre et pro salute anime nostre et antecessorum nostrorum Si vero quod absit infra prescriptum terminum passagio assignatum quicquam humanitus de nobis acciderit et si aliquis vel aliqui forte defecerint de hiis que superius expressa sunt et promissa regnum nostrum Sicilie remanebit ad ea omnia obligatum ita quod quicunque illud tenebit ea integre tenebitur adimplere Nos autem personaliter juravimus quod trans ibimus ultra mare in subsidium Terre Sancte in passagio suprascripto et Renatum quondam [] ducis Spoleti jurare fecimus in animam nostram nos fideliter et firmiter servaturos reliqua omnia sicut sunt superius expressa et predicta omnia ob servabimus bona fide lata ex nunc excommunicationis sententia in quam incidemus si non transfretavimus in passagio suprascripto vel non duxerimus et retinuerimus nobiscum mille milites vel non miserimus prescriptam pecuniam sicut superius est expressum Si autem defecerimus in aliquibus vel in aliquo ceterorum ecclesia Romana sententia bit in nos et in terram nostram de spontaneo et jam prestito consensu nostro quod si in alicujus termini solutione defecerimus lata sententia teneamur astricti ita quod si post terminum elapsum per testimoniales literas eorum qui pro rege et patriarcha ac magistro Hospitalis Theutonicorum ad recipiendum terminis statutis ipsam pecuniam statuentur ecclesie Romane constiterit nos de hujus satisfecisse defectu statim super articulo absolvemur nec super aliis occasione illius sententie gravabimur ullo modo Ad hujus autem rei majorem evidentiam presens scriptum fieri fecimus et bulla aurea nostro tybario impressa jussimus in signari Dat apud Sanctum Germanum anno Domini MCCXXV mense Julii tercie decime Indictionis