Charter Document - 01453038
| Charter Number: | 01453038 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1142 - 1184 |
| Date type: | Assigned |
| Resource Link(s): |
Reference Document for this Embedded Document |
Charter:
Jocelinus Dei gratia Sarum Episcopus universis Sancte Matris Ecclesie filiis ad quos presens scriptum pervenerit salutem Sicut injusta petentibus ex rigore justicie constat obviandum ita justis postulacionibus ex ratione novimus etiam parendum Noverit itaque Universitas vestra nos concessisse et sigilli nostri munimine confirmasse Abbati Sancti Wandrigesili et toti ejusdem loci conventui in perpetuum omnes ecclesias et ceteras possessiones que in dioecesi nostra juris illorum dinoscuntur videlicet ecclesiam de Witchirche cum capellis et ceteris appendiciis Ecclesiam de Bridiporti cum capellis et ceteris appendiciis Ecclesiam de Bridituna cum capellis et ceteris appendiciis Ecclesiam de Upavene cum capellis et ceteris appendiciis Capellam de Manegesford cum appendiciis suis Ecclesiam de Sorestane cum capellis et appendiciis suis Omnibus igitur huic nostre concessioni et confirmationi renitentibus et adversantibus sit iudicium sine misericordia cum iudex misericors vivos et mortuos venerit iudicaturus consentientibus autem et coadiuvantibus sit pax et leticia sempiterna quando deus erit omnia in omnibus
Source (click image below to view full size)
