Charter Document - 01450390

Omnibus Christi Fidelibus presens scriptum visuris vel audituris Matildis de la Mere Dei gratia abbatissa Wilton et ejusdem loci conventus salutem in Domino Cum dominus Robertus de Hertford decanus ecclesie Sarum zelo devotionis accensus nos sepius interpellando devotissime nobis supplicaverit quod de bonis monasterii nostri concederemus eidem in perpetuum quinque marcas annuas ad sustinendum quoddam servitium perpetuum in prefata ecclesia Sarum pro anima sua et animabus benefactorum suorum et omnium fidelium defunctorum sine lesione vel jactura ecclesie nostre communicato consilio capituli nostri et virorum prudentum pium ejus affectum attendentes unanimi consensu concessimus eidem quod in perpetuum solvemus illi quamdiu vixerit et assignatis suis post mortem suam in dicta ecclesia Sarum videlicet sub decano vel succentori vel communario Sarum qui pro tempore fuerint quinque marcas annuatim ad sustentationem dicti servitii ad duos anni terminos scilicet ad Pascha duas marcas et dimidiam et ad festum S[ancti] Michaelis proximo sequens duas marcas et dimidiam sine difficultate aut dilatione aliqua dictis terminis et loco et personis solvendas Et ne nos vel successores nostre seu monasterium nostrum ex hac concessione aliquam in posterum sentiamus lesionem vel jacturam dictus dominus Robertus decanus solvit nobis in capitulo nostro centum marcas in perpetuam utilitatem monasterii nostri per dispositionem nostram convertendas Et si quod absit a solutione dicte pecunie ut predictum est terminis statutis defecerimus subjiciemus nos et successores nostras in perpetuum jurisdictioni et cercioni decani cancellarii et subdecani Sarum vel alicujus eorum qui pro tempore fuerint vel fuerit ut ipse vel unus eorum nos per censuram ecclesiasticam vel quocunque alio modo sibi melius viderint vel viderit expedire sine strepitu judiciali ad solutionem predictam una cum expensis ob hoc factis si necesse fuerit compellant vel compellat renunciantes omnibus impetratis et impetrandis que nobis possent prodesse et dicto decano vel suis assignatis sive assignandis in posterum obesse et omni juris remedio Ut hec autem nostra concessio perpetue firmitatis robur optineat eidem sigilla nostra autentica duximus apponenda Datum apud Wilton quinta feria post Annunciationem Dominicam anno gratie MCCLVI Hiis testibus dominis Nicholao de Lakyng sub decano Waltero de la Wyle succentor Willelmo de Ludyngton []