Charter Document - 01450077
| Charter Number: | 01450077 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1151 |
| Date type: | Internal, A.D., Feast |
| Resource Link(s): |
|
Charter:
Robertus Dei gratia Episcopus Bathoniensis venerabili fratri et amico Roberto decano Sarum et fratribus sibi in Domino commissis in veritate esse quod dicuntur ex officio nomine Quod ad notitiam multorum congruum pervenire duximus literarum monumentis provida deliberatione mandare decrevimus Noverit itaque presens etas futurorumque posteritas necnon et nobis cara vestra fraternitas quod anno Incarnationis Dominice MCLI Indictione xiv concurrente vii epacta i in die Nativitatis Sancti Johannis Baptiste in claustro ecclesie S[ancti] Petri Apostoli de Bathonia Wandregesilus de Curtellis reddidit in manum meam terram de prebenda de Writeleton quam prius occupaverat et diu violenter detinuerat Et ut in posterum securi essemus et qui nobis succederent ne ille sive aliquis per eum deinceps violentam manum in predictam terram extenderet nisi dictante ecclesiastica justitia et jure et judicio canonico tacto sacrosancto evangelio sepenominatam terram in presentia nostra abjuravit Hujus abjurationis testes ydonei presentes fuerunt Benedictus prior ecclesie Bathoniensis Eustachius archidiaconus Petrus monachus Willielmus monachus Aluredus canonicus Wellensis Robertus Etebera Ascelinus presbyter de Froma Willielmus de Stey Hugo Puerius
Source (click image below to view full size)
