Charter Document - 01450069
| Charter Number: | 01450069 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1190 - 1191 |
| Date type: | Assigned |
| Resource Link(s): |
|
Charter:
Willielmus Dei gratia Elyensis episcopus apostolice sedis legatus et domini regis cancellarius karissimo fratri suo in Christo Huberto eadem gratia Sarum episcopo totique capitulo salutem et sincere affectionem Ad vestram volumus pervenire notitiam causam que vertebatur inter dilectos filios Ricardum Barre Elyensem archidiaconum et magistrum Thomam de Husseburn quam idem archidiaconus ad prebendam suam de Sarum pertinere asserebat in presentia nostra presentibus etiam karissimis fratribus nostris Godefrido Winton Reginaldo Bathon et Hugone Coventrens episcopis de consensu partium hoc amicabili fine ad perpetuam ecclesie nostre securitatem conquievisse videlicet Quod prefatus Thome de ecclesia de Husseburn quam inspectis cartis domini regis Henrici primi et domini regis Henrici secundi in prebendam Sarum ecclesie intelleximus esse confirmatam prenominato archidiacono R[icardo] quinque marcas argenti singulis annis tota vita sua nomine prebende persolvet medietatem in festo Sancti Michaelis et reliquam medietatem in festo Pasche ita quod prememoratus archidiaconus a magistro Thoma nichil ultra illas quinque marcas in tota vita sua exigere debebit Nos itaque hanc transactionem tam solempniter celebratam perpetuam firmitatem optinere volentes ipsam auctoritate nobis delegata et sigilli nostri testimonio duximus muniendam Roberto Wigorn clerico Jordano decano Waltero precentore Galfrido archidiacono Baldewino cancellario magistro Bartholomeo canonico Sarum Galfrido filio Petri Hugone Bardulfo Willielmo Briwere magistro Ivone archidiacano de Dereby magistro Teobaldo magistro Amis magistro Hamone de Waltham
Source (click image below to view full size)
