Charter Document - 01450064
| Charter Number: | 01450064 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1226 |
| Date type: | Assigned |
| Resource Link(s): |
|
Charter:
Omnibus [Cristi fidelibus ad quos presens scriptum pervenerit Ricardus divina permissione Sar ecclesie minister humilis salutem eternam in domino] Noverit universitas vestra quod cum vacaret prebenda Veteris Sarum decedente dilecto filio nostro Henrici de Templo canonico Sarum Nos de communi assensu domini Willelmus decani et capituli Sarum propter pacem et tranquillitatem ejusdem ecclesie in perpetuum confirmandum de dicta prebenda ita ordinasse videlicet quod retinuimus nobis et successoribus nostris omnem jurisdictionem quam [habere] solebant decanus et canonicus predicte prebende tam in prebenda quam in civitate salva libertate clausi et jurisdictione hominum [de Stratford] qui olim pertinebant ad prebendam de Graham et hominum decani de Stratford quos dicto Decano et suis successoribus concessimus Ita quod predicta jurisdictio dicte prebende et civitatis per nos et successores nostros alii quam archidiacono vel officiali nostro vel alicui vicario in vicaria dicte prebende constituendo committatur Retinuimus etiam de communi assensu tam capituli quam nostro ad opus nostrum et successorum nostrorum totum dominicum prefate prebende et tenentes cum eorum tenementis [et] cum mansis in civitate ad prebendam pertinentibus et pratis et portionibus ad eandem pertinentibus decano autem et capitulo Sarum omnes domos quas inhabitabat dictus canonicus cum horreis et area in qua site sunt dicte domus assignamus in perpetuum possidendas Decimas omnium garbarum totius predicte prebende karitative commune Sarum ecclesie contulimus Et in hujus rei testimonium presenti scripto sigillum nostrum apposuimus
Source (click image below to view full size)
