Charter Document - 01450062

Haec est forma compromissi inter cancellarium Sarum procuratorem capituli Sarum et magistrum Radulfum de Stokes initi coram cancellario et subdecano Wellens judicibus delegatis a domino P P super causa quae vertebatur inter capitulum Sarum et magistrum R de Stokes super centum solidis annuis a magistro R petitis de ecclesia de Sunburn Capitulum elegit ex parte sua magistrum A de Tylen vel magistrum R de Bingeham vel magistrum Thomam de Bilee vel alium ad hoc ydoneum Magistrum R de Stokes ex parte sua elegit priorem de Dunstapl vel magistrum Willielmum de Barden vel magistrum Ricardum de Tyreton vel magistrum Robertum de Kington vel alium ad hoc ydoneum De communi autem assensu electus est ut superior episcopus Cicestrensis Quem si nullo modo partes habere possint elegerunt episcopum Roffensem Qui si non possit haberi conferunt in episcopum Bathon ita quod electus a capitulo et electus a magistro R et unus episcoporum sicut dictum est electus amicabiliter si possint inter partes component Quod si non possint auditis meritis causae inspectis etiam attestationibus et instrumentis causam contingentibus diffinitam simul omnes faciant sententiam et ipsam exequantur Si autem omnes simul consentire non poterint quod a majore parte statutum fuerit partes observabunt Promissa est poena triginta marcarum tam a magistro R quam a cancellario pro se et capitulo suo si in aliquo contra hanc formam ventum fuerit a magistro R si contravenerit capitulo solvenda vel si capitulum contravenerit vel cancellarius a predicto cancellario magistr R solvenda Soluto autem arbitrio per alterutram partium judices delegati a summo pontifice libere utantur sua jurisdictione tam super principali negotio quam super coercionibus ad poenam solvendam faciendis Ita quod ille qui in poenam inciderit in nullo audiatur antequam poenam persolverit Procurabit autem utraque pars quod si dominus Cantuar synodum suam celebraverit post Pascha ubicunque eam celebraverit arbitri sicut supradictum est in crastino synodi in dicto negotio procedent Si autem constiterit quod dicta synodus non celebretur procurabit pars capituli quod episcopus qui superior erit in arbitrio diem et locum certum partibus assignabit infra tres septimanas post Pascha quo coram eo secundum formam predictam compareant et hoc ipsum per literas superioris procuratoris magistro R citra Pascha apud Sunburn significabit Preterea ut expeditius procedat arbitrium licebit arbitris diem diei continuare quotiens voluerint et processui negotii viderint expediri Si quis autem partium in poenam inciderit judices delegati a domino papa illum qui in poenam inciderit ad eam solvendam contradictione et appellatione cessantibus compellent