Charter Document - 01450057
| Charter Number: | 01450057 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Recitation |
| Date: | 1165 |
| Date type: | Assigned |
| Resource Link(s): |
|
Charter:
Joscelinus Dei gratia Sarum Episcopus dilectis in Christo filiis Henrico abbati et toti conventui sancte Marie de Scireburne monasterio salutem et gratiam Posteris et presentibus notum facimus quod consilio et assensu ecclesie nostre prebendam quam dulcis memorie Osmundus Sarum episcopus de ecclesia parochiali de Scireburne et decimis et capellis et ceteris adjacentiis suis fecit et ecclesie nostre contulit monasterio Scireburne in prebendam per vicarium presbiterum vestri habitus et vestre professionis deserviendam et in perpetuum nomine Sarum ecclesie quiete possidendam concessimus Ita etiam ut qui abbas Scireburne fuerit locum in choro et capitulo et ceteras libertates et integritates quas alii in eadem prebenda optinuerunt abbates et ipse optineat Concedit etiam Sarum ecclesia Scireburne monasterio ut obeunte abbate pretaxata prebenda in communam canonicorum ut alie solent prebende non redeat quia non abbatis persone sed monasterio collata est Sed ne canonici in hac sua murmurent subtractione eo scilicet quod hec prebenda ut relique nunquam sit reditura in eorum communam et ne canonici sui tanquam perpetuam possint causari absentiam preterea ut monachi prebendam illam Sarum ecclesie monasterio suo vicinam et victui suo quam maxime necessariam sine omni Sarum ecclesie remurmuratione ut superius definitum est et deservire possint et optinere a prudentibus et religiosis viris una nobiscum ad utriusque ecclesie pacem faciendam et conservandam provisum est quod vice versa et caritate mutua monasterium Scireburne Sarum ecclesie cum omni libertate et integritate in prebendam dedit dimidiam hidam terre que jacet apud Wimburn quam habuit filius Euremari Baiocarum quam Willielmus rex ecclesie de Horton dedit pro ex cambio terre ab eadem ecclesia capte quiete et sine omni reclamatione sicut unquam melius et liberius eam tenuit in bosco et plano in pratis et pascuis in perpetuum possidendam et sic quod prebenda illa post mortem canonici per annum juxta consuetudinem Sarum ecclesie ad communam canonicorum redeat et deinceps canonicus cui data fuerit sicut alii eam teneat et deserviat Et ut hec nostra in evum duret donatio et inconcussa permaneat et posteris fidem faciat sigilli nostri et ecclesie nostre attestatione communimus Hoc autem cyrographum confectum est absque sigilli testimonio
Source (click image below to view full size)
