Charter Document - 01450055
| Charter Number: | 01450055 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens carta pervenerit Hubertus Dei gratia Sarum episcopus salutem in Domino Noverit universitas vestra quod cum ecclesiae de Lym et de Halgestok archidiaconis Dorset respondissent sicut aliae ejusdem archidiaconatus parochiales ecclesiae et ipsae postmodum in prebendam Sarum ecclesiae essent conversae Nos ad instantiam Willielmi archidiaconi Dorset eas et earum pertinentias ab omni jurisdictione archidiaconali exemimus et eas Symoni filio Roberti illius prebendae canonico et successoribus ejus adeo liberas confirmavimus sicut aliqua ecclesia in episcopatu Sarum sita alicui prebendae Sarum ecclesiae liberius aut plenius est assignata ita quod idem Symon et omnes ejus successores totum jus archidiaconale et omnes alias libertates in eisdem habeant ecclesiis et earum pertinentiis cum omni plenitudine et integritate in perpetuum sicut aliquis canonicus Sarum ecclesiae melius vel plenius habet in ecclesiis prebendalibus in episcopatu Sarum sitis Et ut haec nostra confirmatio perpetuam optineat firmitatem eam presentis scripti testimonio et sigilli nostri appositione duximus corroborandam Testibus Jordano decano Sarum Waltero precentore Radulfo cancellario Rainulfo thesaurario Willielmo archidiacono Wiltescir Galfrido archidiacono Berkes Hunfrido archidiacono Sarum Wimundo subdecano Johanne succentore Roberto de Bellafago magistro Symone de Scalis Joscelino archidiacono Cicestrensi Hugone Bovet Willielmo de Cicestria Philippo de Hauch Willielmo de Wamberg et Joscelino fratre suo magistro Johanne de Brideporte magistro Roberto de Linces Rogero de Basingham Thoma de Londonia In capitulo Sarum
Source (click image below to view full size)
