Charter Document - 01450054

Die Lune proxima post translationem Sancti Benedicti venit prior de Bradenestok anno gratie MCCXXXII et attulit in capitulo de Sarum cartam istam quam cancellarius regis episcopus Cicestrensis longa sollicitudine nobis acquisivit insuper et duplicem cartam nobis misit Henricus Dei gratia rex Anglie dominus Hibernie dux Normannie [et] Aquitanie comes Andegavie archiepiscopis episcopis abbatibus prioribus comitibus baronibus justitiariis vicecomitibus prepositis ministris et omnibus ballivis et fidelibus suis salutem Ad omnium notitiam volumus pervenire quod cum per mortem magistri Symonis de Peregor quondam decani Cicestrensis vacaret ecclesia de Husseburn et ad ipsam presentassemus Nicholaum de Neville clericum nostrum credentes ipsam esse de donatione nostra opponentibus se venerabili patre Roberto Sarum episcopo et capitulo suo et asserentibus ipsam ecclesiam pertinere ad prebendam de Burbech que prebenda ecclesie Sarum ratione pensionis annue [quinque marcarum quam] canonicus prebende predicte inde recipere consuevit per manum ipsius decani tandem ad dictam ecclesiam memoratus clericus noster de consensu partium taliter [fuit] admissus et in ea persona institutus salvo jure cujuslibet quod nichil juris inde nobis accresceret nec ecclesia Sarum deperiret in predicta ecclesia de Husseburn quam vero per inspectionem cartarum Henrici regis avi Henrici regis avi nostri et ipsius Henrici regis avi nostri et Ricardi regis avunculi nostri et domini Johannis [regis] patris nostri et etiam per inspectionem carte Godefridi quondam Winton episcopi qui in presentia domini Johannis patris nostri de voluntate ejus et assensu ad presentationem Herberti quondam Sarum episcopi sicut in carta ipsius Godefridi plenius continetur que est in ecclesia Sarum et etiam de consensu et concessione Ricardi Barre quondam archidiaconi Elyensis et canonici Sarum prebendam in dicta prebenda de Burbach sicut in carta predicti Ricardi Barre plenius continetur que similiter est in ecclesia Sarum in predicta ecclesia de Husseburn predictum decanum perpetuum vicarium constituit reddendo inde annuatim canonico predicte prebende quinque marcas nobis plenius consistit de jure predicti episcopi Sarum et ecclesie sue quod habent in ecclesia predicta de Husseburn ratione donationis concessionis et confirmationis predictorum progenitorum nostrorum nolentes quod juri eorum aliquid depereat in dicta ecclesia de Husseburn presentibus literis duximus protestandum pro nobis et heredibus nostris quod dicta ecclesia libere et quiete pertinet ad predictam ecclesiam Sarum tanquam membrum predicte prebende de Burebach Quare volumus et concedimus pro nobis et heredibus nostris quod ipsam in perpetuum teneat in puram et perpetuam elemosinam tanquam membrum predicte prebende Burebech sicut predictum est Salva predicto Nicholao clerico nostro possessione ejusdem ecclesie tota vita sua cum solutione predicte pensionis annue quinque marcarum Hiis Testibus Huberto de Burgo comite Cant justitario Anglie Stephano de Segrave Godefrido de Crancumbe Johanne filio Philippi Galfrido dispensario Henrico de Capella et aliis Datum per manum venerabilis patris Radulfi Cicestrensis episcopi cancellarii nostri apud Wigorn xxi die Maii anno regni nostri xvi