Charter Document - 01450053
| Charter Number: | 01450053 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1155 - 1165 |
| Date type: | Assigned |
| Resource Link(s): |
|
Charter:
Joscelinus Dei gratia Sarum episcopus et totus ejusdem ecclesie conventus universis Sancte Matris Ecclesie filiis in Domino salutem Sciant omnes ad quos carta ista pervenerit controversiam diu inter ecclesiam Sarum et ecclesiam Bathon[iensem] habitam super capella de Alvestan tandem amicabili compositione decisam et terminatam esse hoc modo videlicet Quod ecclesia Sarum prefatam capellam de Alvestan dimittit ecclesie Bathon[iensi] in perpetuum liberam et quietam possidendam tali conditione quod singulis annis in Pascha ecclesia Bathon[iensis] reddet ecclesie Sarum dimidiam marcam argenti per manum canonici qui tenebit ecclesiam de Bedministra scilicet prebendam ecclesie Sarum Et propter familiaritatem et fraterne dilectionis caritatem inter predicte ecclesias diu habitam et in posterum Deo volente duraturam venerabilis frater et coepiscopus noster Bathoniensis Robertus assensu et coniventia cleri sui concedit hanc libertatem prebende de Bedministra quod vicarii ejusdem canonici ibidem servientes ter in anno vel quater necessitati ingruente ad capitulum veniant et non sepius et hoc sum monitione archidiaconi ad capitulum autem decani nunquam eant Si autem contingat quod quando predicti vicarii in causam vocati fuerint de objectis nunquam respondeant nisi in presentia predicti canonici de Bedministra die et loco congruo constituto Facta est autem hec compositio in presentia venerabilis fratris et coepiscopi nostri Roberti Bathoniensis et Petri prioris Bath[oniensis] et Ivonis decani ecclesie de Welles et Eustachii archidiaconi Bath[oniensis] et magistri Aluredi canonici Wellensis De ecclesia vero Sarum interfuerunt huic compositioni presentes Henricus ejusdem ecclesie cantor et Rogerus archidiaconus et Ricardus de Calna et magistri Josephus canonicus Sarum ecclesie et plures alii de utraque ecclesia
Source (click image below to view full size)
