Charter Document - 01450051

Godefridus Dei Gratia Winton Episcopus universis ad quos presentes littere pervenerint salutem Ad vestram volumus pervenire notitiam causam que vertebatur inter dilectos filios nostros Ricardum Barre Eliensem archidiaconum et mag[ist]rum Thomam de Husseburn super ecclesiam de Husseburn quam idem archidiaconus ad prebendam suam de Sarum pertinere asserebat in presentia domini Willielmi Elyensis episcopi tunc apostolice sedis legati et nostra presentibus etiam karissimis fratribus nostris Reginaldus Bathon et Hugo Coventr episcopis de consensu partium hoc amicabili fine conquievisse videlicet Quod prefatus Thome de ecclesia de Husseburn quam inspectis cartis domini regis Henrici primi et domini regis Henrici secundi in prebendam Sarum ecclesie intelleximus esse confirmatam prenominato archidiacono R quinque marcas argenti singulis annis tota vita sua in prebendam persolvet medietatem in festo sancti Michaelis et reliquam medietatem in festo Pasche Ita quod si memoratum Thomam premori contigerit memoratus archidiaconus in prescripta ecclesia ultra quinque marcas nisi de assensu episcopi dioecesani amplius non poterit exigere Si vero prescriptum archidiaconum premori contigerit ecclesia Sarum a mag[ist]ro Thoma vel a successoribus suis nisi de consensu nostro vel successorum nostrorum nichil ultra memoratam quantitatem exigere debebit Hanc autem compositionem uterque illorum in manu nostra fide corporaliter prestita se fideliter observaturum promisit Nos ergo transactionem hanc tam solempniter celebratam perpetuam firmitatem optinere volentes eam auctoritate episcopali confirmamus et sigilli nostri testimonio com munivimus Hiis Testibus Roberto Wigorniens electo Jordanus decano Sarum Galfrido filio Petri Hugone Bardulf Willielmo Briwere mag[ist]ro Johanne Cornub Derebiensi archidiacono mag[ist]ro Teobaldo mag[ist]ro Amico mag[ist]ro Hamone de Waltham