Charter Document - 01450042
| Charter Number: | 01450042 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1160 |
| Date type: | Assigned |
| Resource Link(s): |
|
Charter:
Reverendo domino et patri Joscelino Dei gratia Sarum episcopo et toti conventui Sarum ecclesie Clemens abbas Scireburne totusque conventus ejusdem ecclesie salutem Notum vobis facimus et omnibus constare volumus quod nos communi assensu omnino quietum clamamus episcopo et ecclesie Sarum castrum de Scireburne et insulam tali pacto et tenore quod episcopus et ecclesia Sarum consilium et auxilium suum pro posse suo nobis prestabunt absque pecunia mittenda ad Comton nobis defendendam et manu tenendam quam habueramus in escambio insule in qua castrum Scireburne situm est Et nos pepigimus in capitulo Sarum et in nostro quod nunquam aliquo medo impediamus episcopum ad recuperandum castrum illud sed pro toto posse nostro eum jurabimus sine missione pecunie ad predictum castrum recuperandum Et si aliqua occasione prenominatam Comton amiserimus episcopus quando castrum suum recuperavit ad valentiam Comtone scilicet quatuor libratas terre in manerio Scireburne cum omni libertate in pratis et pascuis et in omni re quam habebamus in Comton assignabit nobis Et ut hoc ratum et inconvulsum in posterum permaneat carte nostre attestatione et sigilli nostri munimine corroboramus Hujus Rei testes sunt Henricus decanus Sarum et capitulum Sarum ecclesie
Source (click image below to view full size)
