Charter Document - 01450039
| Charter Number: | 01450039 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1215 - 1220 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Willielmus Talebot salutem in Domino Noverit universitas vestra quod ego W[illielmus] Talebot pro me et heredibus meis recognovi et reddidi et quietum clamavi in perpetuum Deo et beatae Mariae et capitulo Sarum et communae et thesaurariae ejusdem ecclesiae pro salute mea et antecessorum et successorum meorum totum jus quod credebam spectare et aliquando dicebam pertinere ad hundredum meum de Alwarburie de hominibus de Ferlega et de Putton et de Alwarburie ad communam et thesaurariam Sarum spectantibus Quare firmiter volo et concedo et presenti scripto protestor quod predicti homines de Ferlega et de Putton et de Alwarburie ad communam spectantes et ad thesaurariam ecclesias Sarum absoluti sint et quieti et immunes de me et heredibus meis de sectis hundredi et teothingpeny et de warpey et de visu franci plegii et de omnibus querelis et exactionibus et de omnibus ad hundredum vel sectas hundredi spectantibus ita quod predicta ecclesia Sarum habeat et optineat omnes dignitates et libertates et liberas consuetudines suas in perpetuum quae in carta domini regis Johannis et cartis aliorum regum continentur Ita quod ego vel heredes mei nunquam de aliquibus rebus ad hundredum de Alwarburie spectantibus possimus contradicere vel contravenire Promisi etiam bona fide et concessi pro me et heredibus meis quod omnes dignitates et libertates et liberas consuetudines Sarum ecclesiae quae me et antecessores et successores meos in fraternitatem suam suscepit conservabo in hundredo meo sicut predictum est in omnibus rebus illibatas et illaesas Et ut haec omnia praedicta perpetuam firmitatem optineant ea presenti scripto et sigilli mei appositione confirmavi Hiis Testibus domino W Lungespee comite Sarum Reginaldo de Albo Monasterio Johanne de Moyun Henrico filio Alcheri Thoma de Cormelliis Willielmo Girebert Reginaldo de Calne Rogero de Derneford Roberto de Port Gileberto tunc seneschallo domini A decan Sarum Waltero tunc pincerna ejusdem Roberto de Soc Gileberto de Ponte de Radinges Ebrardo de Derneford et multis aliis
Source (click image below to view full size)
