Charter Document - 01450034
| Charter Number: | 01450034 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1211 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Willielmus Dei gratia abbas Beccensis et ejusdem loci conventus salutem in Christo Ad universitatis vestre notitiam volumus pervenire nos caritatis et devotionis intuitu quam ad venerabilem patrem nostrum Herbertum Sarum episcopum et ipsius ecclesiam habemus unanimi consensu dedisse prefato episcopo et ecclesie Sarum quicquid juris habuimus in ecclesia de Paulesholt et in ecclesia de Deverel salvis ecclesie nostre Beccensi decimis de dominico ejusdem manerii tam minutis quam majoribus et preterea totam terram nostram de Derinton cum omnibus pertinentiis suis habendas et tenendas in perpetuum libere et quiete pacifice et integre ita ut liceat ejusdem episcopo de prefatis ecclesiis et terra prenominata cum assensu capituli sui ad utilitatem et commodum ecclesie sue prout voluerit disponere et ordinare Et quia in ecclesia Sarum residentiam facere non possumus nos vicarium qui in prefata ecclesia Sarum ordine sacerdotali ministrabit loco nostro constituemus et ei secundum institutionem ecclesie stipendia digna in perpetuum inveniemus
Source (click image below to view full size)
