Charter Document - 01450030
| Charter Number: | 01450030 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Herbertus miseratione divina episcopus Sarum eternam in Domino salutem Religiosorum pie devotiones favere et favore prosequente ipsorum complere profectum pastoralis officii nos monet auctoritas et debitum hortatur caritas Cum igitur monasterium Montisburgi fratrum et hospitum abundat numero et in beneficiis penuriam patiatur ad hujus defectum supplendum et cultum Divini Nominis au[gment]andum de plena Dei confisi clementia assensu dilectorum nostrorum viri venerabilis Ricardi decani et capituli Sarum ecclesiam de Lodres et capellam [de] Bredepole cum omnibus pertinentibus ad illas concedimus illis in perpetuum et confirmamus indulgentes ut liceat eisdem dictas ecclesiam et capellam in usus proprios convertere ita videlicet ut per capellanos idoneos faciant eisdem deservire et eorundem preterea decani et [capituli volun]tate et assensu prebendam in ecclesia Sarum de prenominatis ecclesiis instituimus in perpetuum quam aliarum ecclesie Sarum prebendarum gaudere volui[mus libertatibus] [] Statuentes ut Montisburgi abbas pro tempore in ecclesia nostra prout moris est canonicorum locum optineat et stallum qui loco sui vicarium instituat succedentem in ipsa videlicet presbiterum ecclesie ministerio deputatum perpetuo cui prescriptum monasterium de bonis memorate prebende quindecim solidos ministret annuatim solvendos eidem statutis terminis quibus alii in ecclesia nostra vicarii sua percipere consueverint stipendia In hujus siquidem rei testimonium et robur perpetuum presens scriptum tam nostro quam capituli nostri sigillo autentico extat corroboratum Hiis testibus []
Source (click image below to view full size)
