Charter Document - 01450029
| Charter Number: | 01450029 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 |
| Date type: | Internal, A.D. |
| Resource Link(s): |
|
Charter:
Universis Sancte Matris Ecclesie Filiis ad quos presens scriptum pervenerit Rogerus Dei patientia Sancte Marie Montisburgi dictus abbas et ejusdem loci conventus humiliter salutem in eo qui est Salus omnium Viros ecclesiasticos tunc vere constat in unitate ecclesie vivere cum diversitatem suam vinculo caritatis student unire et vel merita meritis pervenire vel gratiam gratia compensare Cujus veritas nos memores exemplum predictorum in Sarum ecclesia respeximus que possessiones nostras sub ejus protectione constitutas et fratres nostros ad easdem custodiendas a nobis destinatos semper pio fovit affectu et mera liberalitatis gratia non minus studuit protegere quam ampliare Nos autem ecclesiam nostram amplius studentes eadem ecclesia Sarum in unitate caritatis confederare quicquid juris in ecclesia de Porstoke et in ecclesia de Fleota habuimus Deo et ecclesie Sarum et domino Herberto ejusdem loci episcopo puro caritatis instinctu contulimus et easdem ecclesias cum omnibus pertinentiis predicte Sarum ecclesie quantum ad nos pertinet perpetuo concessimus possidendas Quod ut firmum et stabile in perpetuum perseveret predictam donationem et concessionem nostram presentis scripti testimonio et sigillorum nostrorum appositione roboravimus anno gratie Christi MCCXIII
Source (click image below to view full size)
