Charter Document - 01450026
| Charter Number: | 01450026 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1193 |
| Date type: | Assigned |
| Resource Link(s): |
|
Charter:
Universis Sancte Matris Ecclesie filiis ad quos presens scriptum pervenerit Hubertus Dei gratia Sarum episcopus in salutis auctore salutem Noverit universitas vestra nos inspexisse cartam bone memorie Rogeri episcopi quondam Sarum predecessoris nostri qua concessit ad communam Sarum ecclesie ecclesiam de Caninges cum omnibus pertinentiis suis Inspeximus etiam cartam bone memorie Joscelini quondam Sarum episcopi predecessoris nostri viri venerabilis qua predictam donationem ratam habuit et sua auctoritate confirmavit omnes sub anathematis vinculo concludens qui eam confringerent vel aliquatenus impedirent Inspeximus etiam cartam ejusdem Joscelini predecessoris nostri qua prebendam de Britford cum omnibus pertinentiis suis ecclesias Sarum in augmentum commune canonicorum ibidem residentium concessit et dedit statuens si quis contra suam donationem venire presumeret maledictionem Dei et omnium sanctorum ejus incurret Nos itaque virorum venerabilium et discretorum predecessorum nostrorum vestigiis inherentes cum singulorum nostre dioecesis provectibus invigilare ex cura pastorali nobis invicta teneamur propensius tamen eorum qui ecclesiasticis ministeriis in matrice ecclesia nostra Sarum nocte dieque sunt deputati predictas donationes et confirmationes sententias quoque excommunicationis in earum transgressores latas per omnia ratas habentes eas presenti scripto et sigilli nostri attestatione confirmamus Statuentes ut predicta ecclesia de Caninges et prebenda de Britford integre cum omnibus pertinentiis suis in usus personarum et canonicorum in ecclesia Sarum residentium convertantur singulis percipientibus juxta modum distributionis statute a bone memorie Osmundo predecessore nostro et usque ad tempora nostra observate Quicumque igitur hominum ausu temerario contra tot et tam autenticas donationes et confirmationes venire presumpserit noverit se maledictionem Dei omnipotentis et beatas Marie genetricis sue incursurum Hiis testibus Jordano decano Sarum Willielmo de sancte Marie ecclesia Ranulph Sarum thesaurario Hunfrido archidiacono Wiltescir Wimundo sub decano et Johanne succentor Sarum Galfrido archidiacono Berkesir Radulfo archidiacono Herefordensi
Source (click image below to view full size)
