Charter Document - 01450019
| Charter Number: | 01450019 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1142 - 1184 |
| Date type: | Assigned |
| Resource Link(s): |
|
Charter:
Omnibus Sancte Matris ecclesie filiis ad quos presens carta pervenerit Joscelinus Dei gratia Sarum episcopus eternam in Domino salutem Noverit universitas vestra Nos caritatis intuitu et in remedium anime nostre concessisse et in perpetuum contulisse prebendam que fuit Gwarnerii de Sanford canonici nostri videlicet ecclesias de Bleberia et Merleberga cum omnibus pertinentiis earum commune canonicorum nostrorum in ecclesia nostra Sarum residentium ut ipsi ad honorem et servitium Dei et ejusdem genetricis ibidem de cetero commodius et honestius valeant sustentari Ut autem hec concessio et donatio nostra in posterum firma et inconvulsa perseveret ipsam episcopali auctoritate et sigilli nostri attestatione confirmavimus
Source (click image below to view full size)
