Charter Document - 01450017
| Charter Number: | 01450017 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1091 |
| Date type: | Internal, A.D. |
| Resource Link(s): |
|
Charter:
Hec sunt Dignitates et Consuetudines Sarum ecclesie quas ego Osmundus episcopus ejusdem ecclesie in nomine Sancte Trinitatis anno ab Incarnatione Domini MXCI institui simul et concessi personis et canonicis ejusdem ecclesie participato dominorum archiepiscopi et aliorum cepiscoporum nostrorum consilio quorum nomina subscripta sunt et domini regis Willielmi interveniente assensu videlicet ut decanus et cantor cancellarius et thesaurarius residentes sint assidue in ecclesia Sarum remota omni excusationis specie archidiaconi cum tali moderamine officium archidiaconatus impleant ut duo semper ex eis residentiam faciant in ecclesia Sarum nisi necessaria et evidens causa possit eos excusare Canonicos nichil potest excusare quin et ipsi residentes sint in ecclesia Sarum nisi causa scholarum et servitium domini regis qui unum habere potest in capella sua et archiepiscopus unum et episcopus tres Verumtamen si necesse habuerit canonicus pro communi utilitate ecclesie vel prebende sue et hoc fuerit in manifesto poterit per anni tertiam partem abesse Dignitas Decani est et omnium canonicorum ut episcopo in nullo respondeant nisi in capitulo et judicio tantum capituli pareant Habent etiam curiam suam in omnibus prebendis suis et dignitatem archidiaconi ubicumque prebende assignate fuerint in parochia nostra sive in ecclesiis vel decimis aut terris ita quidem quod nulla omnino exigentia in dono vel in assisa aut aliqua alia consuetudine ab episcopo vel a quolibet alio fiat in prebendis eorum sed omnes libertates et omnes dignitates plenaria et pacifice habeant quas ego Osmundus in eisdem prebendis habui aut aliquis alius cum eas in nostro dominio haberemus Quando vero aliquis constituitur canonicus debet coram fratribus in capitulo jurare presente evangelio se dignitates et consuetudines Sarum ecclesie inviolabiliter observaturum
Source (click image below to view full size)
