Charter Document - 01450016

Johannes Dei gratia rex Anglie dominus Hibernie dux Normannie Aquitanie comes Andegavie archiepiscopis episcopis abbatibus comitibus baronibu justitiariis prepositis ministris et omnibus ballivis et fidelibus suis salutem Sciatis nos concessisse et presenti carta nostra confirmasse Deo et ecclesie sancte Marie et Herberto episcopo Sarum et successoribus suis omnes donationes quas venerabilis Henricus proavus noster et Henricus pater noster quondam reges Anglie dederunt et concesserunt et cartis suis rationabilibus confirmaverunt Deo et ecclesie sancte Marie Sarum Preterea de proprio dono nostro dedimus et concessimus et presenti carta nostra confirmavimus eidem ecclesie et prenominato episcopo et successoribus suis in puram et perpetuam elemosinam ecclesiam de Melkesbam cum omnibus ad eam pertinentibus ad ecclesiam Sarum dotandam Concessit autem nobis idem episcopus quod anniversarium patris nostri Henrici regis et nostrum solempniter fiet singulis annis in ecclesia Sarum Preterea concessimus et presenti carta confirmavimus Deo et ecclesie sancte Marie de Sarum et Herberto ejusdem ecclesie episcopo et successoribus suis omnes terras et possessiones suas et tenementa sua libera et quieta in perpetuum ab omnibus exactionibus cum omnibus libertatibus et liberis consuetudinibus suis Quare volumus ex firmiter precipimus quod predictus episcopus et successores sui in perpetuum habeant et teneant omnes terras et possessiones suas et tenementa sua ubique cum socca et saka toll et theam et infangenetheof et utfangenetheof bene et in pace libere et honorifice infra civitates burgos villas et extra in terris reditibus advocationibus ecclesiarum servitiis hominum et releviis in pratis pascuis pasturis communis in aquis et molendinis in vivariis et stagnis in piscariis et mariscis et salinis et turbariis in bosco et plano in viis et semitis in introitibus et exitibus intra forestas et extra et in omnibus aliis locis et rebus ad tenementa sua pertinentibus per totam terram nostram soluta libera et quieta de omnibus geldis danegeldis et hydagiis et caruagiis auxiliis placitis querelis sum monitionibus scyris hundredis et sectis scyrarum et hundredorum de misericordiis comitum hundredorum de murthra et latrocinio et de auxiliis vicecomitum forestariorum et ballivorum eorum et de omnibus ad eos pertinentibus et de custodiis et operationibus castellorum et de warpeny et averpeny et theingpeny et hengwite et flemeneswite leirwite blodwite fichtwite et grithbrech et fremesfrete et forestall et hamsokna et herfare et de francoplegio Ita tamen quod visus franci plegii fiat in curia episcopi coram serviente nostro et si aliqua misericordia vel forisfactura inde pervenerit episcopus eam habeat Et de wastis et de rewardis foreste et de canibus suis expeditandis et aliis placitis querelis et occasionibus foreste que ad nos pertinent Concedimus etiam quod capiant in propriis boscis suis quicquid eis necesse fuit ad proprios usus suos sine visu et prohibitione forestariorum nostrorum et sint quieti ipsi et homines sui de theoloneo pontagio passagio paagio et lestagio stallagio cariagio pannagio et omni alia consuetudine per totam terram nostram et de omnibus rebus suis quas per terram vel aquam deportare fecerunt Et probibemus ne quis eis aut res aut possessiones aut terras aut homines eorum contra libertatem carte nostre vexet vel disturbet super foris facturam nostram Testibus Johanne de Gry archidiacono Gloecestrensi Johanne de Banester archidiacono Wigorniensi Roberto de Harecurt Willielmo de Briwere Waltero de Lasey Roberto de Thurneham Petro de Pantell Radulfo de Arden Willielmo de Canteleu Petro de Stok Dat[um] per manum Huberti Cantuar archiepiscopi cancellarii nostri apud Faleysiam iv die Junii anno regni nostri secundo