Charter Document - 01450015

Ego Stephanus Dei gratia assensu cleri et populi in regem Angliae electus et a Willielmo Cantuariensi archiepiscopo et sanctae Romanae ecclesise legato consecratus et ab Innocentio sanctae Romanae sedis pontifice postmodum confirmatus respectu et amore Dei sanctam ecclesiam liberam esse concedo et debitam reverentiam illi confirmo Nichil me in ecclesia vel rebus ecclesiasticis symoniace acturum vel permissurum [esse pro]mitto ecclesiasticarum personarum et omnium clericorum et rerum eorum justitiam et potestatem et distributionem bonorum ecclesiasticorum in manu episcoporum esse perhibeo et confirmo Dignitates ecclesiarum privilegiis earum confirmatas et consuetudines earum antiquo tenore habitas inviolate manere statuo et concedo omnes ecclesiarum possessiones et tenuras quas die illa habuerunt qua Willielmus rex Angliae avus meus fuit vivus et mortuus sine omni calumpniantium reclamatione eis liberas et absolutas esse concedo Si quid vero de habitis vel possessis ante mortem cjusdem regis quibus modo careat ecclesia [dein]ceps repetierit indulgentiae et dispensationi meae vel restituendum vel discutiendum reservo Quaecunque vero post mortem ejusdem regis liberalitate regum largitione principum [obla]cione vel comparatione vel qualibet transmutatione fidelium eis collata sunt confirmo Pacem et justitiam me in omnibus facturum et pro posse meo conservaturum eis promitto [Forest]as quas Willielmus avus meus et Willielmus secundus avunculus meus instituerunt et tenuerunt illas mihi reservo ceteras omnes quas rex Henricus superaddidit ecclesiis et regno quietas reddo et concedo Si quis autem episcopus vel abbas vel alia ecclesiastica persona ante mortem suam rationabiliter sua distribuerit vel distribuenda statuerit firmum manere concedo Si vero morte preoccupatus fuerit pro salute animae ejus ecclesiae consilio eadem flat distributio Dum vero sedes propriis pastoribus vacuae fuerint ipsae et omnes earum possessiones in manu et custodia clericorum vel proborum hominum ejusdem ecclesiae committantur donec pastor canonice substituatur Omnes exactiones et injustitias et meschenningas sive per vicecomites vel per alios quoslibet male inductas funditus extirpo Bonas leges et antiquas et justas consuetudines in murdris et placitis et aliis causis observabo et observari precipio et constituo Haec vero omnia concedo et confirmo salva regia et justa dignitate mea Testibus [] anno ab incarnatione Domini mcxxxvi sed regni mei primo