Charter Document - 01450006
| Charter Number: | 01450006 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Papal |
| Charter Type(s): | Confirmation |
| Date: | 1254 |
| Date type: | Internal, Papal |
| Resource Link(s): |
|
Charter:
Alexander episcopus servus servorum Dei venerabili fratri Willielmo episcopo Saresbiriensi salutem et apostolicam benedictionem Sicut lecta coram nobis tua petitio continebat felicis recordationis Innocentius Papa predecessor noster intellecto dudum quod prebenda de Horton Wigorniensis dioecesis dignitati episcopali Saresbiriensi esset annexa et tu pretextu ipsius prebende venerabili fratri nostro Wigorniensi episcopo subesse ut prelato quodammodo videreris tibi tandem ut aliam prebendam alicujus ecclesie tue dioecesis eidem Saresbiriensi dignitati episcopali loco ipsius prebende de Horton posses annectere concessit sub certa forma per litteras apostolicas facultatem Cumque postmodum quedam prebenda in ecclesia de Poterna dioecesis Saresbiriensis vacaret tu eam de consensu ejusdem ecclesie loco ipsius prebende de Horton quam prout asseritur penitus dimisisti dicte dignitati episcopali duxisti auctoritate litterarum hujusmodi annectendum Nos itaque tuis supplicationibus inclinati quod super hiis proinde factum est ratum et firmum habentes id auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem Omnipotentis Dei et beatorum Petri et Pauli apostolorum ejus se noverit incursurum Dat[um] Neapoli quinto idus Maii pontificatus nostri anno primo
Source (click image below to view full size)
