Charter Document - 01450002
| Charter Number: | 01450002 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 |
| Date type: | Assigned |
| Resource Link(s): |
|
Charter:
Omnibus Christi Fidelibus [] Ricardus Sarum ecclesie decanus et ejusdem loci capitulum salutem in Domino Ea que caritatis studio et affectu pietatis precipue ob religionis favorem a prelatis ecclesiasticis salubriter sunt instituta merito debent ab hiis qui majoribus subesse noscuntur approbari Et ne in posterum cujusquam malignitate valeant infringi autentici scripti munimine roborare Hinc est quod Nos considerantes laudabilem factam Herberti venerabilis patris nostri Sarum episcopi quo venerabilem abbatem Beccensis ecclesie pro fervore religionis quam in eodem monasterio a prima sui fundatione florere dinoscitur in collegium nostrum asciscere decrevit ipsumque et successores suos in perpetuum in ecclesia nostra canonicos instituere benigno favore prosequimur et locis omnibus conventu approbamus volentes ut quicunque pro tempore abbas Beccensis fuerit ecclesie nostre censeatur canonicus Et sicut prenominatus pater noster statuit et scripto suo confirmavit nomine prebende Sarum habeant et possideant ecclesiam de Wanetinge et ecclesias de utraque Okeburne et ecclesiam de Hungerford cum capella de Sandeburne et aliis pertinentiis suis salva tamen honesta sustentatione vicariorum qui in eisdem ecclesiis pro tempore ministrabunt Et quia in ecclesia nostra more aliorum canonicorum residentiam facere non potuerunt ipsi vicarium qui loco suo in ordine sacerdotali ministrabit in ecclesia nostra habebunt et ei necessaria secundum constitutionem ecclesie Sarum inveniunt Quod ut ratum sit et firmum sigilli nostri appositione duximus roborandum
Source (click image below to view full size)
