Charter Document - 01450001
| Charter Number: | 01450001 |
|---|---|
| Cartulary Title: | Vetus Registrum Sarisberiense alias dictum Registrum St. Osmundi Episcopi [Salisbury] |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1208 |
| Date type: | Internal, Calendar, Regnal |
| Resource Link(s): |
|
Charter:
Omnibus Christi Fidelibus ad quos presens scriptum pervenerit Herbertus Dei gratia Sarum episcopus salutem in Domino Pio fervore religionis quam in monasterio Beccense a prima sui fundatione florere cognovimus et devotione Willielmi venerabilis viri abbatis et conventus ejusdem monasterii quam ad nos et ecclesiam nostram Sarum certis cognovimus experimentis prenotatis abbati et conventui et eorum monasterio honorem quem possumus rependere cupientes ipsos de assensu capituli nostri in collegium et fraternitatem ecclesie nostre duximus assumendos Statuentes ut predictus Abbas nomine universitatis Beccensis et omnes successores sui in perpetuum re et nomine ecclesie nostre Sarum censeantur canonici et nomine prebende Sarum habeant et possideant ecclesiam de Wanetinga et ecclesias de Okeburn et ecclesiam de Hungerford cum capella de Sandeburne et aliis pertinentiis suis quas venerabilis pater et predecessor noster Hubertus dum Sarum rexit eis in proprios usus confirmavit Volumus itaque quod predictus abbas et successores sui in perpetuum habeant et teneant predictas ecclesias cum omnibus pertinentiis suis nomine prebende Sarum in eadem libertate per omnia quam alie prebende ecclesie Sarum habere dinoscuntur Salva honesta et competenti sustentatione vicariorum qui in eisdem ecclesiis per nostram institutionem et dictorum monachorum presentationem ministrabunt Et quia in ecclesia nostra Sarum more aliorum canonicorum residentiam facere non potuerunt ipsi vicarium qui loco suo in ordine sacerdotali ministrabit in eadem ecclesia constituent et ei necessaria juxta constitutionem ecclesie Sarum competenter invenient Quod ut ratum sit et firmum presentium auctoritatis munimine duximus confirmandum Datum apud Ramesiam per manus Willielmi de Winton sexto kalendas Junii pontificatus nostri anno xiiii Hiis Testibus Hugone cancellario Sarum Alberic archidiacono Berks Thoma de Heselberie et Willielmo de Teile magistris Petro et Abraham capellanis Hugone de Templo et Henrico de Lega clericis Willielmo de Capella et multis aliis
Source (click image below to view full size)
