Charter Document - 01449010
| Charter Number: | 01449010 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1285 |
| Date type: | Internal, A.D. |
| Resource Link(s): |
|
Charter:
Universis praesentes litteras inspecturis frater Johannes permissione divina Cantuariae Ecclesiae minister humilis totius Angliae primas salutem in Domino sempiternam Ad universitatis vestrae notitiam tenore praesentium volumus pervenire quod nos in dyocesi Sarum visitationis metropoliticae fungentes officio religiosos viros abbatem et conventum Malmesburiae ordinis Sancti Benedicti ejusdem dyocesis quasdam ecclesias in ipsa dyocesi in proprios usus invenimus obtinere prout in privilegiis eorum plenius continetur nec non et portiones et pensiones in diversis ecclesiis percipere et parochiis alienis propter quod eosdem abbatem et conventum ad certos diem et locum coram nobis fecimus evocari ostensuros quo jure memoratas ecclesias possent in usus proprios licite retinere et portiones et pensiones recipere memoratas Qui coram nobis per procuratorem idoneum legitime comparentes privilegia sua et munimenta super hiis nobis exhibuerunt quibus inspectis et diligenter examinatis invenimus memoratas religiosos quoad ipsas ecclesias portiones et pensiones quas tenent et percipiunt in ipsa dyocesi esse sufficienter munitos Unde eosdem a nostro examine dimisimus absolutos Datum apud Bradenestoke in crastino Apostolorum Petri et Pauli anno Domini mcc octogesimo quinto
Source (click image below to view full size)
