Charter Document - 01446010
| Charter Number: | 01446010 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Custody |
| Date: | 1288 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presens scriptum visuris vel audituris Willelmus Dei gratia abbas Malmesburie et ejusdem loci conventus salutem eternam in Domino Noverit universitas vestra nos vendidisse et concessisse Amabilie Comyn maritagium Johannis filii et heredis Johannis Comyn usque ad legitimam etatem suam Et si dictus Johannes infra etatem obierit volumus et concedimus quod dicta Amabilia habeat maritagium aliorum heredum fratrum vel sororum dicti Johannis qui superstites fuerint usque ad legitimam etatem eorum pro quatuor viginti marcis sterlingorum nobis solvendis apud Malmesburiam terminis subter scriptis videlicet In festo Sancti Michaelis anno Domini MCCLXXXVIII xxvi mr viii solidis x denarios et ob Ad festum Sancti Michaelis anno Domini MCCLXXXIX xxvi marcas viii solidos x denarios et obulem Et ad festum Pasche proximo sequentis xxvi marcas viii solidis et undecim denarios Reddendo annuatim camerario ecclesie nostre qui pro tempore fuerit xl solidis annui redditus ad duos annos terminos pro Niwebold et Walecote in cujus [] Datum in crastino Purificationis Beate Marie anno regis Edwardi xvi
Source (click image below to view full size)
