Charter Document - 01440090

Universis sancte matris ecclesie filiis ad quos presens scriptum pervenerit Willelmus Dei gratia abbas de Malmesburia et ejusdem loci conventus salutem in Domino sempiternam Noverit universitas vestra quod nos utilitatem ecclesie nostre considerantes concessimus et presenti scripto confirmamus dilecto clerico nostro magistro Bayamundo de Vicia intuitu pietatis et pro fideli servicio suo quod fecit nobis annuatim de camera nostra viginti libras bonorum et legalium sterlingorum nomine pensionis quam pecunie summam promittimus in verbo veritatis et tenemus legitima stipulatione interveniente tam pro nobis quam successoribus nostris eidem vel suo certo procuratori nobis acquietanciam de receptis facienti et restituenti reddere et solvere in quindena Sancti Johannis Baptiste anno Domini MCCLXX octavo apud Novum Templum London et deinde annuatim ad totam vitam suam termino et loco supradictis sine omni contradictione dolo vel fraude sub pena dupli quam penam eidem vel suo certo procuratori fideliter solvere promittimus loco predicto infra quindecim dies postquam commissa fuerit si in solutione dicte pecunie suo termino facienda defecerimus quod absit principali debito nihilominus rato manente Si vero dictus magister Bayamundus vel ejus certus nuntius sive procurator dictis die et loco ad petendum et recipiendum a nobis vel nuntio nostro dictam pecuniam presens non fuerit promittimus ex tunc ipsam pecuniam domino thesaurario ejusdem loci vices gerenti nobis de pecunia recepta facienti et restituenti acquietanciam tradere et solvere dicto magistro Bayamundo vel ejus certo nuntio per eundem thesaurarium vel ejus vices gerentem assignandam et restituendam subicientes nos et successores nostros jurisdictioni et cohercioni domini officialis Cantuarie qui pro tempore fuerit vel ejusdem vices gerentis ut per suspensionis interdicti et excommunicationis sententias et per bonorum nostrorum districtiones sine strepitu judicialis possit nos compellere ad observationem omnium et singulorum premissorum et dampnorum et expensarum sique fecerit aut incurrerit occasione solutionis suo termino non facte refusionem Super quibus simplici verbo procuratoris sui credi volumus sine alterius onere probationis renunciantes in premissis pro nobis et successoribus nostris omnibus exceptionibus et defensionibus tam personalibus quam realibus litteris apostolicis impetratis et impetrandis regie prohibitioni omni juris auxilio canonici et civilis et omnibus aliis remediis et defensionibus que possent objici contra presens instrumentum vel factum et ad premissa omnia et singula fideliter complenda et tenenda obligamus nos successores et omnia bona nostra mobilia et inmobilia ecclesiastica et mundana presentia et futura ubicumque fuerint inventa eidem magistro Bayamundo donec de predicta pecunia et similiter de pena si commissa fuerit in omnibus eidem plenaria fuerit satisfactum In cujus rei testimonium presenti scripto sigillum nostrum commune apponi fecimus Datum apud Malmesburiam in crastino Beati Mathie apostoli anno Domini MCCLXX sexto