Charter Document - 01440085
| Charter Number: | 01440085 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Resignation |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
Venerabili in Christo patri domino Roberto Dei gratia Saresbiriensi episcopo frater Willelmus eadem gratia abbas Malmesburiae et ejusdem loci conventus salutem in omnium Salvatore Ecclesias de Puritone et de Minti vestrae diocesis nostrique patronatus cum advocationibus juribus et omnibus pertinentiis earundem sufficienti deliberatione praemissa ad honestatem et utilitatem Saresburiensis ecclesiae nostrique monasterii ordinationem vestrae statuto seu provisioni praesentium tenore submittimus salva nobis et successoribus nostris immunitate quam habemus ex indulgentia Romanorum pontificum super exemptione nostra et nostri monasterii ratum habituri et acceptum quicquid in hac parte duxeritis ordinandum statuendum seu providendum In quorum omnium fidem et testimonium praesens scriptum impressione sigillorum nostrorum fecimus communiri Datum apud Malmesburiam die dicta proxima post festum Sancti Michaelis anno Domini MCCLxx sexto
Source (click image below to view full size)
