Charter Document - 01440084
| Charter Number: | 01440084 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Investiture |
| Date: | 1266 |
| Date type: | Internal, Calendar, Episcopal |
| Resource Link(s): |
|
Charter:
W Dei gratia Sarum episcopus dilecto in Christo filio archidiacono Wyltesire salutem gratiam et benedictionem Religiosi viri abbas et conventus Malmesburie ecclesie de Kemele patroni et Beamundus decanus de Len ipsius ecclesie rector ipsam ecclesiam cum omnibus suis pertinentiis ordinationi nostre sponte pure simpliciter et absolute submiserunt de qua de consilio prudentium in nomine Domini sicut duximus ordinandum quod ipsa ecclesia cum omnibus suis pertinentiis perpetuis temporibus in usus monasterii de Malmesburia convertatur receptaque et admissa resignatione predicti rectoris de eadem facta vobis mandamus quatinus predictum abbatem vel procuratorem suum nomine predicti monasterii in predicte ecclesie de Kemele possessionem inducatis vel induci faciatis corporalem Datum Rammesburia vii idus Augusti pontificatus nostri anno quarto
Source (click image below to view full size)
