Charter Document - 01440070

Omnibus Christi fidelibus ad quos praesens scriptum pervenerit Ricardus Dei permissione Saresbiriensis ecclesiae minister humilis salutem gratiam et Dei benedictionem Considerantes quod in pluribus locis in quibus olim fervor caritatis vigebat multorum caritas refrigescat et quod in hospitibus recolligendis et in aliis operibus misericordiae quod non sine dolore dicimus plus solito multorum tepescat devotio illorum qui in nostra consistunt diocesi caritatem si forte obdormierit prae caeteris specialius exhortationibus tenemur excitare et ad hospitalitatem sectandam non solum verbis sed etiam benedictionibus ac largitionibus efficaciter ipsos provocare eapropter cum ad hospitalitatem sectandam efficacior sit exhortatio re quam voce facto quam verbo ut aliorum ad bonum hospitalitatis efficacius intendatur devotio de assensu et auctoritate capituli nostri dedimus intuitu caritatis Deo et ecclesiae Sancti Aldhelmi de Malmesburia et monachis ibidem Deo servientibus ad augmentum hospitalitatis omnes decimas garbarum in parochia ecclesiae de Creddewelle et capellarum suarum de Hanekintone videlicet et de Estcote nomine perpetui beneficii futuris et perpetuis temporibus possidendas exceptis decimis garbarum triginta duarum virgatarum terrae quarum viginti tres sunt in Cheggelawe et novem apud Tothulle versus Aisselcye in eadem parochia quae quidem decimae garbarum una cum quibusdam aliis inferius notatis cedent in portionem personae rectoris ecclesiae de Creddewelle qui pro tempore fuerit a nobis vel successoribus nostris ad praesentationem abbatis et conventus de Malmesburia ad memoratam ecclesiam admittendus et instituendus ac in eadem in ordine sacerdotali quem cura illius ecclesiae requirit continuam facturus residentiam Habebit autem dictus rector memoratae ecclesiae praeter praedictas decimas garbarum terras ecclesiae et capellae de Hanekintone cum pratis et pascuis et omnibus aliis ad eas pertinentibus et omnes decimas praeter praedictas decimas garbarum ut praedictum est et praeter decimas feni de proprio abbatis quod in praesenti tenet dominico Similiter habebit omnes obventiones altaris et cimiterii ecclesiae de Credewelle et capellarum memoratarum sicut Henricus de Cortenai et Radulfus vicarius de Hanekintone habere consueverunt Is autem qui pro tempore fuerit rector saepedictae ecclesiae omnia onera consueta et consuetudines episcopales et archidiaconales sustinebit Volumus etiam et concedimus ut illas tres marcas quas ecclesia de Malmesburia ab antiquo de ecclesia de Credewelle percipere consuevit ad indicium hujus nostrae donationis nomine praedicti beneficii perpetui quamdiu Henricus de Cortenai nunc rector ecclesiae de Credewelle vixerit annuatim de cetero percipiat Cum vero de praedicto Henrico humanitus contigerit dictus abbas et conventus de Malmesburia libere et sine contradictione alicujus possessionem praedicti beneficii ingrediantur et novam possessionem veteri quam per receptionem trium marcaram retinuerunt sine difficultate continuent Et licet monachi ibidem Deo servientes pro nobis orare teneantur et ut ad id faciendum eorum magis provocetur devotio et ut anniversarium nostrum cum de nobis humanitus contigerit libentius singulis annis faciant cum pleno servitio pontificali dedimus insuper eisdem intuitu Dei de assensu capituli nostri ad necessitatem monachorum de infirmaria in aliquo relevandam capellam villulae suae de Nortone salva competenti sustentatione perpetui vicarii in eadem capella perpetuis temporibus ministraturi ita ut qui administrator coquinae monachorum pro tempore fuerit de portione ad infirmariam pertinente infirmario fideliter et integre respondeat salva debita et antiqua pensione annua duorum solidorum quos infirmarius sacristae de Malmesburia persolvat Has autem pias concessiones nostras episcopali auctoritate confirmamus et sigilli nostri ac capituli Sarum appositione communimus salvis in omnibus jure et dignitate Sarum ecclesiae et nostra et successorum nostrorum Ad majorem etiam securitatem super praedictis concessionibus duo confecta sunt instrumenta sub eisdem omnino verbis et tenore concepta quorum unum remanebit penes monasterium Malmesburiae sunt appensa Data Sarum per manum magistri Roberti de Hertforde tunc cancellarii xvi kl Februar pontificatus nostri anno quinto Hiis testibus Willelmo de Waude tunc decano Sarum magistro Willelmo de Badestone praecentore Abraham thesaurario magistro Ricardo archidiacono Wiltes magistro Willelmo de Mertone tunc officiali magistro Luca magistro Ricardo de Sorest Johanne capellano magistro Ricardo de Bremele magistro Petro de Malemains et multis aliis