Charter Document - 01440045
| Charter Number: | 01440045 |
|---|---|
| Cartulary Title: | Registrum Malmesburiense [Malmesbury] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1084 |
| Date type: | Internal, A.D., Regnal |
| Resource Link(s): |
|
Charter:
Anno ab Incarnatione Domini nostri Jesu Christi MLXXXIIII Indictione vii regnante Willelmo rege in Anglie ego Godwynus cum uxore mea Turgund pro Redemptione animarum nostrarum et remissionem peccatorum nostrorum et omnium Christianorum dedi Sancte Marie et Sancto Aldhelmo confessori in Meldunensi ecclesia per manus Warini reverendi abbatis qui tunc preerat illi in monasterio ecclesiam meam que dedicata est in honore Sancti Nicholai et omnes domos meas cum omnibus mihi pertinentibus perpetuo jure ad habendum et possidendum Et hoc donum feci in eadem domo in manu supradicti abbatis in presentia suorum hominum et meorum vicinorum quorum hec sunt nomina Robertus et Saselmus Elwynus Aldwynus Godwynus Beure Aeldrich Godricessune Hanuc Cytel goldsmith Elwynus prest Leowynus prest Hic idem supradictus abbas me cum uxore mea fecit fratres ecclesie sue quatinus ibi jaceamus et partem in omnibus bonis factis eorum habeamus Insuper etiam vi libras reddidit pro me Theodrico monetario pro dimidia terra quam tenebat Ewart aurifaber Elart minister terre Euuyn Chetel Alwynus Ulueret prest Alwynus prest Leussi filius Croc Berard frater Algod Francigene homines abbatis Radulfus de Bernay Cerlo presbiter Meinardus Ricardus Tovius Anglus Hii sunt testes conventionis Warini abbatis et Godwyni
Source (click image below to view full size)
