Charter Document - 01430147
| Charter Number: | 01430147 |
|---|---|
| Cartulary Title: | Liber Memorandorum Ecclesie de Bernewelle [Barnwell] |
| Charter Language: | Latin |
| Charter Origin: | Religious |
| Charter Type(s): | Verdict |
| Date: | 1273 |
| Date type: | Assigned |
| Resource Link(s): |
|
Charter:
In nomine domini Amen Auditis et intellectis meritis cause que uertitur inter executores testamenti bone memorie domini Willelmi de Kilkenni quondam Elyensis episcopi ex parte vna et religiosos viros Priorem et Conuentum de Bernewelle ex altera confessiones dictorum procuratorum secuti deductis de sexaginta et quatuordecim marcis predictis viginti libris prefatis religiosis in dicto testamento legatis eundem procuratorem dictorum religiosorum et ipsos religiosos in personam sui procuratoris in quadraginta et quatuor marcis sentencialiter et diffinitiue condempnamus a residuis ex parte procuratoris dictorum executorum petitis et in articulo contentis sentencialiter et diffinitiue de consensu procuratoris dictorum executorum absoluentes prefigendo procuratori dictorum religiosorum nomine dominorum suorum et ipsis in personam dicti procuratoris terminos ad prefatas quadraginta et quatuor marcas soluendum scilicet in quindena post festum purificacionis beate marie proximo uentura decem libras apud Balesham Elyensi dyocesi et in quindena Pasche proximo sequente residuum ibidem sub pena excommunicacionis quam ex nunc in Priorem subpriorem et sacristam proferimus si in solucione ad aliquem terminum cessauerint necnon sub pena quinque marcarum quociens in solucione defecerint in subsidium terre sancte soluendarum Quos terminos procurator dictorum religiosorum sponte admisit sub penis antedictis Quibus solucionibus factis restituetur dictis religiosis litera obligatoria super centum marcis predictis confecta apud Balesham In cuius rei testimonium sigillum prefati magistri Reymundi domini mei vna cum sigillis dictorum procuratorum presentibus est appensum Datum anno et loco supradictis
Source (click image below to view full size)
