Charter Document - 01390240
| Charter Number: | 01390240 |
|---|---|
| Cartulary Title: | The Register of the Priory of Wetherhal |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus ad quos presens Scriptum pervenerit Thomas Abbas et Conventus Sancte Marie Eboraci Salutem in Domino Noverit universitas vestra nos unanimi assensu et consensu Capituli nostri dedisse et concessisse venerabili Patri et Domino Silvestro Dei Gratia Karliolensi Episcopo suisque successoribus jus Patronatus Ecclesiarum de Ormesheved de Musgrave et de Clibburne salvis nobis antiquis et consuetis pensionibus de eisdem et jus Patronatus Ecclesie de Burgo absque aliqua pensione nobis solvenda et Vicarie Ecclesie Sancti Michaelis de Appleby que quidem Vicaria taxabitur ad Valorem viginti Marcarum secundum Estimacionem bonorum virorum et legalium Salva tamen Nobis et Monasterio nostro antiqua et consueta pensione de dicta Ecclesia Sancti Michaelis de Appleby a Priore de Wedderhal qui pro tempore ibidem fuerit annuatim percipienda Et nos et successores nostri dicto Episcopo et Successoribus suis advocationes dictarum Ecclesiarum et dicte Vicarie contra omnes homines inperpetuum warantizabimus In cujus rei Testimonium presenti scripto sigillum Capituli nostri duximus apponendum Datum apud Eborum octavo Idus Maij Anno Domini Millesimo ducentesimo quadragesimo octavo
Source (click image below to view full size)
